Екипата на Челзи во првиот натпревар од полуфиналето на Лигата на шампионите што синоќа се одигра на „Стемфорд Бриџ“ во Лондон успеа да го победи европскиот првак Барселона со 1:0 со голот кој го постигна Дидие Дрогба.
Во неизвесен натпревар Челзи единствениот гол го постигна по одлична контра во судиското продолжение од првиот дел (45+2 минута), а Рамиреш успешно асистираше по додавањето од Френк Лампард. Барселона во финишот на натпреварот имаше шанса да изедначи, но голманот на „сините“ Петр Чех со одлична реакција ја сочува својата мрежа.
„Кога противничкиот тим има 10 играчи во шеснаесетникот, тешко е да се даде гол. Ова е голем предизвик кој треба да го надминеме. Го прифаќаме и ние веруваме дека можеме. Ние направивме многу шанси, и се ќе надокнадиме во реваншот", изјави шпанскиот стратег.
На првиот натпревар од полуфиналето во вторникот Баерн Минхен го победи Реал Мадрид со 2:1, што значи дека двата шпански тима ги загубија полуфиналните дуели.
Во сабота токму Барселона ќе игра против Реал Мадрид во рамките на Примера, а реванш дуелите од ЛШ се на 24 и 25 април, во вторник (Барселона – Челзи) и в среда (Реал Мадрид – Баерн).