Тренерот на Барселона, Пеп Гвардиола, во пресрет на денешниот полу-финален реванш натпревар од Лигата на Шампиони изјави дека не е загрижен за формата на Лионел Меси.
- Никогаш не сум загрижен за формата на Меси. Нема да бидам загрижен дури и ако не постигне гол на 27 натпревари. Му давам смиреност и право да постигне голови кога сака. Тој веќе постигна брутална бројка на голови оваа сезона. Оставете го да игра, изјави Гвардиола на прес конференцијата на клубот.
Барселона денеска на Камп Ноу го пречекува тимот на Челзи во реванш натпреварот од полу-финалето од ЛШ, кој започнува во 20:45 часот. Првиот натпревар на Стемфорд Бриџ во Лондон заврши 1-0 за Челзи.
Единствениот гол за „сините“ од Лондон го постигна Дидие Дрогба.