Тренерот на Реал Мадрид, Жозе Мурињо, објасни дека тој ќе остане во „кралскиот“ клуб и понатаму ако успее да постигне договор со раководството на клубот.
Зборовите на Мурињо се „ако клубот сака да останам тренер на Реал и понатаму, ќе останам“.
Мурињо исто така верува дека освојувањето на титулата во шпанската Ла Лига е голем успех за тимот, и покрај елиминацијата од Баерн Минхен во полу-финалето од ЛШ.
-Потребни ни се уште 6 бода, а имаме уште 4 натпревари до крајот на сезона. Ако ја освоиме титулата ќе биде заслужена, па можам да кажам дека оваа сезона е добра, изјави Мурињо и додаде дека е горд на фудбалерите и покрај фактот што не се пласираа во финалето од ЛШ.
-Ме боли бидејќи тие напорно работеа да дојдат до тука. Треба да си ги држат главите високо горе, додаде Мурињо.