Денеска сите очи на светската спортска јавност, особено на фудбалската се свртени кон Минхен, каде вечерва од 20:45 часот силите ќе ги одмерат екипите на Челзи и Баерн.
За баварците вечерашното ќе биде деветто финале, во кои славеа четири пати, а Челзи во 2008 година во финалето загуби од Манчестер Јунајтед.
Аналитичарите блага предност и даваат на екипата на Баерн, но самиот факт што Челзи ја поминаа Барселона, прави на вечерашниот натпревар да бидат отворени сите опции.
Двата клуба вечерва на Алиенц Арената ќе бараат начин да ја спасат сезоната. Баерн остана без титулата во Германија, а Челзи домашното првенство го заврши на шестото место и идната сезона ќе игра во „елитното друштво“ само ако победи во финалето.
Посебни мерки за безбедност
Германската полиција со дополнителни мерки за осигурување во пресрет на финалето од ЛШ помеѓу Баерн и Челзи на стадионот Алиенц во Минхен.
За сигурноста ќе се грижат околу 2.000 полицајци на стадионот и околу него, а особено во центарот на градот.
Во Минхен се очекуваат околу 30.000 навивачи на лондонскиот клуб поради што нивото на безбедност е подигнато на највисоко ниво