Шок среде Минхен! Играчите на Баерн Минхен сè уште се во неверување, откако тимот на Челзи во последен миг им ја украде победата во финалето на Лигата на шампионите. Баерн е на колена, а Англичаните се новиот европски шампион.
Токму кога сите помислија дека голот на Томас Милер во 83-тата минута ќе биде доволен за шампионска титула, Дрогба тргна во напад изедначувајќи го резултатот на 1:1 и со тоа овозможувајќи му на Челзи уште една златна можност за победа.
Продолженијата донесоа многу шанси за домаќините, но очигледно среќата не беше на нивна страна.
Пеналите ја запечатија судбината на Баерн. Дрогба повторно го помати планот на противникот, а конечниот резултат од 5:4 за Челзи стави крај на овој мошне интересен и возбудлив натпревар.
Играчите на Баерн кои во текот на дуелот со Челзи беа само на неколку чекори од победата, буквално завршија паднати на колена со солзи во очите. Додека Англичаните громогласно ја славеа слатката победа, нивниот противник се валкаше по тревата поради горкиот пораз.
Како изгледаше славењето на Челзи и болката на Баерн погледнете во продолжение.