Селекторот на Македонската фудбалска репрезентација Џон Тошак денеска ќе изврши прозивка на репрезентативците повикани за пријателските средби со Португалија и Ангола. Собирот е закажан за 16 часот, а првиот тренинг е во 18 часот на игралиштето на Работнички.
Од повиканите играчи на првиот тренинг нема да се појават Горан Пандев кој синоќа со Наполи играше финале на Италијанскиот куп, Агим Ибраими кој в среда игра финале во Купот на Словенија, Иван Тричковски кој има приватни обврски и Мухамед Демири кој има натпревар в среда со својот клуб Тун.
Пандев на репрезентацијата ќе и се приклучи утре, а Ибраими и Демири в четврток кога репрезентација заминува за Португалија.
Македонија в сабота во Леириа ќе игра против домаќинот Португалија, а на 29 мај во Есторил против Ангола.