Македонскиот фудбалски првак Вардар денеска ќе го има својот прв настап на европската сцена во сезоната 2012/13. Против БАТЕ Борисов на гостински терен со почеток од 18 часот „црвено-црните“ ќе се обидат да остварат поволен резултат во првата средба од 2.коло во квалификациите од Лигата на шампионите.
Во оваа фаза од најквалитетното европско клупско фудбалско натпреварување во текот на вчерашниот ден се одиграа првите 11 дуели.
Постигнати резултати: Флора - Базел 0:2, Улисес - Шериф 0:1, Нефчи - Зестафони 3:0, ХЈК - КР 7:0, Дуделанж - Салцбург 1:0, Слован Либерец - Шактир 1:0, Жилина - Ирони 1:0, ТНС - Хелсинборг 0:0, Корча - Дебрецин 1:0, Валета - Партизан 1:4 и Шамрок Роверс - Екранас 0:0.
Освен дуелот БАТЕ Борисов - Вардар денеска уште играат: АЕЛ - Линфилд, Марибор - Железничар, Лудогорец - Динамо Загреб, Молде - Вентспилс и Будуќност - Вроцлав.
Реваншите се по седум дена.