Македонскиот шампион Вардар ако во среда го победи тимот на БАТЕ Борисов, ќе игра против победникот од дуелот помеѓу Скендербег (од Албанија) и Дебрецен (од Унгарија) во третото квалификационо коло за пласман во Лигата на шампиони.
Ова е епилогот за Вардар, од денешната ждрепка која се одржа во Нион, а првите натпревари од третото коло се закажани за 31 јули и 1-ви август додека пак реванш натпреварите ќе се одиграат на 7-ми и 8-ми август.
Резултатот од првиот натпревар помеѓу БАТЕ Борисов и Вардар изнесува 3-2 за белорускиот тим. Реванш натпреварот во Скопје ќе се одигра во среда 25-ти јули на Националната Арена „Филип Втори“.
Да ве потсетиме дека Работнички во сезоната 2006/2007 го елиминираше унгарскиот тим, совладувајќи го во Скопје со 4-1, откако првиот меч во Дебрецен заврши со нерешени 1-1. Исто така да се надеваме дека Вардар ќе има уште поголем мотив во среда да го победи Бате Борисов бидејќи така против себе во следната фаза би имал противник кој нема големо реноме.