Најдобриот фудбалер на Барселона, Лионел Меси, во време кога е на подготовки со селекцијата на Аргентина одбива да коментира за неговиот голем ривал од таборот на Реал Мадрид, Кристијано Роналдо.
Иако е јасно дека во последно време меѓу нив работите не одат најдобро и дека не се "мирисаат" премногу, сепак, од страна на Меси во последно време немаше никакви коментари кои се поврзани со Роналдо.
При прашањето кое му било упатено во Аргентина за време на подготовките пред средбата со Парагвај, Меси имал само краток коментар.
"Не ме прашувајте ништо за Кристијано Роналдо. Тоа не е тема за мене", одговорил Меси со што се дистанцираше од сето она што се случува во моментов со Роналдо, кој, како што е познато, од неделата јавно го искажува своето незадоволство од престојот во тимот на Реал Мадрид.