Медицинскиот тим на Наполи откри дека клучот на успехот на фудбалерите во избегнувањето повреди е апстиненција од секс најмалку два дена пред натпреварот. Со овој метод се избегнуваат низа повреди, пред с$ мускулни од кои страдаат многу фудбалери како што е случај во Милан во новата сезона, со што тренерот Валтер Мацари ќе има помалку главоболки околу изборот на играчи.
"Избегнување на сексуална активност два дена пред натпревар е од фундаментално значење за да се спречат најразлични повреди на мускулите, како на пример истегнување или набивање, воспаленија и слично. Тоа правило препишано од лекарите важи за сите во тимот. Освен тоа фудбалерите добија специјални вежби кои мора да ги прават кога немаат натпревари заради превентива", изјави шефот на медицинскиот тим Алфонсо де Никола.