Селекторот на хрватската фудбалска репрезентација, Игор Штимац на прес конференција пред доаѓањето во Скопје изјави дека Горан Пандев ќе биде најголемата опасност за „коцкестите“.
-Тој е созреан како фудбалер, го пружа најдоброто, го игра својот најдобар фудбал и го потврди својот раскош. На посебен начин ќе мора да го скротиме, пренесе 24Sata од прес конференцијата на Штимац во Загреб, пред петочниот натпревар на Арената Филип Втори во Скопје.
Репрезентативецот Милан Бадељ пак, додаде дека Македонија заслужува почит, но ништо повеќе.
- Македонија не е дел од првата, а можеби не е ниту дел од втората група на поквалитетни репрезентации. Заслужуваат почит но, не и повеќе од тоа, заклучи Бадељ.
Првиот натпревар против Хрватска во Загреб, Македонија загуби со резултат 0-1. Единствениот гол за Хрватска го постигна Никица Јелавиќ.