Репрезентативецот на Хрватска и стандарден првотимец во дресот на германскиот бундеслигаш Волфсбург, Ивица Олиќ поради повреда ќе ги пропушти следните два квалификациски натпревари против Македонија во Скопје и поради Велс во Осиек.
“Во договор со клубот и со челниците на ХНС решивме дека е најдобро да останам во Германија и низ третман во Берлин да ја санирам повредата“, изјави напаѓачот на Волфсбург.
Олиќ веќе два месеца има проблеми со тетивата, а првите два натпревара од новиот квалификациски циклус за Мундијалот од Бразил ги следеше од клупата за резерви.