Освен новата победа над Македонија, селекторот на фудбалската репрезентација на Хрватска, Игор Штимац по натпреварот во Скопје го коментираше и срамното навивање на гостинските фанови кои секој потег на новиот репрезентативец, Самир, го "наградуваа'' со силни свирење и му скандираа "цигане, цигане''.
- Ништо нема да влијае врз моите фудбалери, ниту некои 50 хулигани кои секаде не срамат. Јас сум тврд орев и нема да ме скршат. Уште потврд сум во соблекувалната. Сите играчи се покрај Самир, а на тие навивачи, ќе им дојде од задникот во глава дека ние имаме потреба од секој квалитетен фудбалер. Побарав од фудбалерите да ги поздрават фановите затоа што заслужија. Зошто да не ги поздрават тие кои заслужија, такво нешто нема да си дозволам, изјави Штимац.