Поранешниот менаџер на Ливерпул, Рафаел Бенитез најверојатно ќе биде назначен за новиот менаџер на Челзи, по отказот на Роберто ди Матео, објави Goal.com без притоа да објави потврда на информацијата.
На Бенитез според спортскиот сајт му бил понуден краткотраен договор, најверојатно до крајот на сезоната 2012-2013, а се очекува тој да биде презентиран во наредните 48 часа.
Рафаел Бенитез нема водено тим од декември 2010-та година, но Челзи сака што побрзо да најде замена за Ди Матео со оглед на тоа што претстојниот викенд тимот го очекува дерби натпреварот со Манчестер Сити на Стемфорд Бриџ.
Daily mail пак денес објави дека Челзи испратиле понуда до Пеп Гвардиола уште во октомври по поразот на тимот од Шахтјор во Лигата на шампионите. Гвардиола ја одбил нивната понуда.