Фудбалскиот клуб Челзи го назначи Рафаел Бенитез за менаџер на тимот до крајот на сезоната, а веста за соработката беше потврдена и на официјалниот сајт на клубот.
Бенитез е деветтиот менаџер во клубот во девет години, а тој го заменува Роберто ди Матео менаџерот кој беше отпуштен од функцијата вчера поради серијата негативни резултати.
Шпанецот ќе го има првиот тренинг со фудбалерите денес, а веќе претстојниот викенд го очекува дерби натпреварот со Манчестер Сити на Стемфорд Бриџ.
Англиските медиуми шпекулираат дека Бенитез ќе остане на тренерското столче до крајот на сезоната 2012-2013 бидејќи од следната сезона таа позиција е ветена за првиот избор на Роман Абрамович, Пеп Гвардиола.
Челзи во вторникот претрпе пораз од Јувентус во петтото коло во ЛШ, а утредента на Роберто ди Матео му беше врачено отказно решение.