Повредата на Лионел Меси од вчерашниот натпревар против Бенфика во рамките на последното коло од ЛШ не е сериозна колку што првично се мислеше.
Тој беше изнесен на носилка при крајот на натпреварот, но неговата повреда на левото колено не е многу сериозна. Сепак, шпанските медиуми јавуваат дека дополнителни тестови и магнетни резонанци треба да утврдат колку ќе биде неговото отсуство од терените.
Лионел Меси бил испратен на домашно лекување уште синоќа.
Барселона се пласираше во осмина- финалето на ЛШ, и покрај нерешениот резултат без голови со Бенфика на Ноу Камп.