Тренерот на Реал Мадрид, Жозе Мурињо го опиша осмина-финалниот натпревар против Манчестер Јунајтед од ЛШ како „натпревар кој го чека цел свет“.
„Кралевите“ на Сантијаго Бернабе во Мадрид, оваа среда ќе бидат домаќини на Манчестер Јунајтед во осмина- финалето од Лигата на шампиони, и „специјалниот“ верува дека и покрај останатите атрактивни натпревари, светот со нетрпение го очекува натпревар Реал-Јунајтед.
-Светот не ги очекува останатите натпревари во ЛШ, па затоа се надевам дека на фановите ќе им го понудиме тоа што очекуваат веќе долго време„ објасни Мурињо дербито во Мадрид, а објасни и за неговиот однос со менаџерот на Манчестер Јунајтед, Сер Алекс Фергусон.
-Се чувствувам многу привилегирано, бидејќи Фергусон е многу важна личност во светот на фудбалот, а уште поважно, тој е многу добра личност. Отсекогаш сум имал одличен однос со него, и особено се гордеам на тоа. Имаме многу натпревари меѓу нас. Од Порто, потоа со Челзи, Интер и сега Реал. Сите мои клубови се среќавале со Манчестер Јунајтед и Сер Алекс, заврши Мурињо.