Голманот на Баерн Минхен, Мануел Нојер призна дека поради гранитната одбрана на тимот, тој речиси и да нема работа на натпреварите што предизвикува досада кај него.
-Понекогаш ми е навистина досадно на голот. Тајната е во тоа што имаме одлична одбрана. Ги покриваме дупките во одбраната, се надополнуваме, а затоа и примивме само 7 гола во Бундес лигата, објасни Нојер пред вечерашниот натпревар во ЛШ против Арсенал во Лондон.
Баерн во досегашниот тек од сезоната прими само 7 гола (од кои само 1 на гостински терен), а до последниот натпревар против Волфсбург, голманот Нојер немаше интервенција цели 500 минути.