Ѕвездата на Реал Мадрид, Кристијано Роналдо се врати во Манчестер за реванш натпреварот против Манчестер Јунајтед од осмина-финалето на ЛШ.
Роналдо и остатокот од тимот на Реал, пристигнаа вчера во Манчестер, а ѕвездата на „кралевите“ беше пречекан од околу 200 фанови со транспаренти на кои пишуваше „добредојде дома“.
Кристијано Роналдо утре вечер ќе го одигра првиот натпревар на Олд Трафорд по заминувањето од Манчестер Јунајтед во 2009-та година.
Првиот натпревар на Сантијаго Бернабе заврши 1-1, а Роналдо го постигна единствениот гол за „кралевите“. Реал Мадрид минатата недела во два наврати го победи ривалот Барселона. Најпрово Реал ја елиминира Барселона од Копа Дел Реј, а изминатиот викенд Реал со резултат 2-1 беше подобар од Барса и во Ла Лига.
Манчестер Јунајтед во Премиер лигата со 4-0 славеше над Норич.
Погледнете го пристигнувањето на Реал Мадрид во Манчестер.
