Само неколку минути откако Хауард Веб означи крај на реванш полуфиналниот натпревар во ЛШ, помеѓу Реал (М) и Борусија од Дортмунд, англиските медиуми ја пласираа информацијата дека предводникот на "кралскиот клуб", Жозе Мурињо потпишал пред-договор со лондонскиот премиерлигаш Челзи и дека заедно со португалскиот стручњак, на "Стемфорд Бриџ" ќе се пресели и колумбискиот интернационалец од редовите на Атлетико (М), Радамел Фалако.
Трофејниот португалски стручњак повторно изјави дека има такви на "Сантијаго Бернабеу" кои не го сакаат и кои сакаат да си замине од Мадрид за време на летниот преоден рок и со тоа уште еднаш потврди дека сите опции се во игра, но најреална е таа да се врати на "Стемфорд Бриџ".
Напаѓачот на Атлетико (М), Радамел Фалкао треба да биде најзвучната аквизиција на Челзи за време на претстојниот преоден рок.
Сопственикот на Челзи ќе мора да одвои околу 60 мил. евра за обесштетувањето на Фалкао, кој ќе стане најплатениот фудбалер на Островот, со неделна плата од 295 илјади евра.