Екипите на Реал Мадрид и Атлетико Мадрид вечерва на „Сантијаго Бернабе“ во Мадрид ќе го одиграат финалето на „Кралскиот куп“. За една од двете екипи ова ќе биде заокружување на сезоната со пехар, откако и двете беа во сенка на Барселона во Примера.
Мала предност во финалето ќе има Реал Мадрид поради настапот на својот стадион, но капацитетот на трибините е рамноправно поделен.
Атлетико ќе треба да игра и против традицијата, бидејќи долг период немаат победа над градскиот ривал, кој пак оваа сезона нема пораз на домашен терен во сите натпреварувања.
Реал Мадрид има освоено 18 пехари во купот, а има и 19 порази во финалето, додека Атлетико има освоено 9 пехари, од кои 8 на стадионот на „лутиот ривал“.
Најуспешна екипа во шпанскиот куп е Барселона со 26 трофеи.