Фудбалерот на Баерн Минхен, холандскиот репрезентативец Арјен Робен се надева на освојување на три титули со својот клуб на крајот од сезоната.
Третина од работата веќе е завршена со триумфот во Бундес лигата. Останува уште трофејот од ЛШ и од финалето од германскиот куп.
- Дојде време Баерн да го освои пенарот во Лигата на шампионите. Имам добро чувство за средбата на „Вембли“. Полни сме со самодоверба и важно е да ја одржиме формата на високо ниво. Имаме историска можност да освоиме „тројна круна“ и верувам во такво постигнување, истакна Робен за германските медиуми.
На 25 мај на „Вембли“ во Лондон, Баерн ќе игра со Борусија Дортмунд во финалето на ЛШ, а потоа, на 1 јуни го очекува куп-финалето во Германија против Штутгарт кое ќе се игра на „Олимпискиот стадион“ во Берлин.