Полскиот напаѓач Роберт Левандовски нема да ја напушти Борусија Дортмунд и нема да се пресели во Баерн Минхен ова лето, одлучи претседателот на европскиот шампион Ханс-Јоаким Вацке. Левандовски има договор со „милионерите“ до летото идната година, а неговото заминување во Баерн беше сигурна работа, меѓутоа очигледно тоа нема да се случи.
„Нема ништо лошо во тоа играч да изрази желба за заминување. Им реков на Баерн дека мораат да испратат писмена понуда за Роберт, а до денес тоа не се случи. Така играчот дефинитивно нема да оди во Баерн. Тоа му го соопштивме на играчот и неговите менаџери. Ако сака во Минхен, ќе мора да почека на идната година“, изјави Левандовски, кој се откажа од отштетата за полскиот репрезентативец.
„Минатата година од настапите во ЛШ заработивме околу 70 милиони евра. Ако Роберт игра еднакво добро и следната сезона, тогаш од него ќе заработиме многу поголема сума од отштетата што би ја добиле од негова продажба. Одлуката да го задржиме во клубот ја донесовме заедно со спортскиот директор Михаел Цорк и тренерот Јирген Клоп“, додаде Вацке, кој исто така не ја отфрли можноста да биде прифатена понуда од странски клуб.
„Кога ќе стигне ќе видиме. Засега е јасно дека Роберт нема да оди во Баерн“, заврши претседателот.