Денеска, од 21 часот селекцијата на Јапонија ќе игра против Бразил на отворањето од Купот на Конфедерации. Иако тука е сосема јасно дека Бразилците се големи фаворити, сепак, Јапонците се надеваат дека ќе успеат да стигнат до триумф и големо изненадување. „Имаме тешка група и нè очекуваат три максимално тешки натпревари. Сепак, нема простор за стравување.
Немаме што да загубиме туку на овој турнир можеме да бидеме само со добивка. Ние ќе излеземе денеска со желба за триумф и се надевам дека ќе успееме. Ќе ни биде максимално тешко, но јас верувам дека ќе знаеме како да се спротивставиме на Бразил“, вели најдобриот Јапонец, Шинџи Кагава. И покрај ваквите најави од Јапонија, репрезентацијата на Бразил е фаворит и тука не се очекува ништо друго освен триумф на домаќинот.