Фудбалерите на Тахити со голем транспарент на кој пишуваше „Благодариме Бразил“ и со развиорени бразилски знамиња се заблагодарија за прекрасното време поминато во оваа држава.
Тие се натпреваруваа на Купот на конфедерации и иако не освоија ниту бод и го завршија натпреварувањето со 24 примени и само еден постигнат погодок ги освоија срцата на публиката ширум светот.
Последниот натпревар од групата го одиграа синоќа против Уругвај и загубија со резултат 0-8, но добија стоечки овации и аплаузи од публиката за убавиот гест на теренот и спортскиот дух.
Во полу-финалето од Купот на конфедерации се пласираа Италија, Шпанија, Уругвај и домаќинот Бразил.