Ако се покажат како точни последните информации кои пристигнуваат од седиштето на УЕФА, тогаш актуелниот шампион на Македонија, Вардар, без да одигра ниту една минута ќе обезбеди пласман во 3. квалификациско коло од најпрестижното клупско натпреварување, Лигата на шампиони.
УЕФА поведе истрага против противникот на "црвено-црните" во 2. квалификациско коло, романскиот гигант Стеауа, поради кршење на критериумите за добивање на лиценца и правилата на финансиски фер плеј.
Романските медиуми веќе пишуваат дека УЕФА веќе има донесено одлука за две годишна суспензија за Стеауа.
Конечната одлука ќе биде позната во текот на утрешниот ден.