Јурген Клоп, тренерот на германскиот бундеслигаш Борусија од Дортмунд, призна дека немал многу среќа околу посакуваните трансфери на сега веќе најновите засилувања на Реал (М) и на Баерн (М), Иско и Тиаго Алкантара, но додаде дека очеува поголема среќа кога е во прашање колумбискиот интернационалец од редовите на Порто, Џексон Мартинез.
„Сакавме да го купиме Иско. Исто така бевме заинтересирани и за Тиаго Алкантара. Го пратевме, ги следевме нивните настапи во Шпанија и во Лигата на шампиони. Сепак, на сите ни беше јасно дека шансите се сведени на теорија кога е во прашање потписот на Иско. Заинтересиран сум за неколку напаѓачи, но не знам кој е достапен за Борусија од Дортмунд. Искрено, најмногу ми се допаѓа напаѓачот на Порто, Џекосон Мартинез. Многу добар фудбалер, без проблеми ја контролира топката, одличен е во воздушните дуели, се бори за секоја топка”, изјави Клоп.