Двајцата фудбалери за кои Реал плати преку 190 милиони евра за да ги обедини вчера ја имаа првата средба. Герет Бејл и Кристијано Роналдо си подадоа рака на паркингот пред тренинг комплексот на Реал и искажаа задоволство што ќе играат во ист клуб.
Двајцата се враќааат на клупските задачи по репрезентативните обврски што ги имаа оваа недела. Според сите анализи најскапиот тандем во светот Бејл-Роналдо треба да „експлодира“ во Шпанија и Европа во новата сезона, а ќе видиме дали ќе биде така. Првиот натпревар заедно ќе го одиграат во сабота кога Реал му гостува на Виљареал.
