Најголемиот дерби натпревар во Шпанија, а можеби и во Европа, пресметката помеѓу вечните ривали, Барселона и Реал (М), заврши со минимален триумф на каталонскиот гигант од 2:1.
Дебитантот во популарното "Ел Класико", бразилскиот интернационалец, Неимар, го постигна првиот погодок на натпреварот, а уште поубав погодок, со лоб, постигна репрезентативецот на Чиле, Алексис Санчез.
Во последните моменти од натпреварот, мрежата на Барселона ја погоди младиот напаѓач на Реал (М), Хесе Родригез.
