Португалската фудбалска репрезентација се пласира на Мундијалот во Бразил следната година откако со вкупен резултат 4-2 по двата квалификациони натпревари успеа да ја елиминира Шведска.
Кристијано Роналдо со хет трикот во реванш натпреварот против репрезентацијата на Шведска и со одличната игра ја однесе Португалија на СП во Бразил следната година.
Тој го отвори резултатот на самиот почеток од второт полувреме, поточно во 50-та минута од натпреварот, но Златан Ибрахимовиќ со двата гола во 58-та и 72-та минута успеа да направи пресврт во дел од натпреварот и да им даде надеж на Швеѓаните.
Сепак, Роналдо со двата гола во рок од 2 минути во 77-та и 79-та минута успеа да го завери пласманот на Португалија на Мундијалот во Бразил следната година, што предизвика и да добие и аплаузи од самиот Ибра на теренот.
Златан Ибрахимовиќ беше „уловен“ како му аплаудира на Роналдо за одличната игра на натпреварот во Шведска и за пласманот на Португалците на СП во Бразил 2014-та.
Првиот натпревар во Португалија заврши со минимална победа од 1-0 на домаќините.
Единствениот гол го постигна Кристијано Роналдо.