Што се случувало вечерта во 23:35 часот на клучката во близина на населбата Карпош во Куманово? Возилото Пежо во кое бил Милошевски се обраќало од Крива Паланка во насока кон Куманово, а џипот марка Ијаз во обратна насока. Дошло до директен судар меѓу двете возила, што било фатално за Милошевски. Според информациите до кои успеавме да дојдеме, возачот на џипот, најверојатно, посакувал да сврти и да пресече две полни линии. Исто така, неофицијално џипот бил неосветлен, а пежото се движело со поголема брзина од дозволената и во доцна го забележал другото возило кое било неосветлено. Ѓорѓиоски, најверојатно, во последен момент се обидел да избегне директен судир и свртел во спротивна насока по што десниот преден дел на пежото удрил во десниот преден дел на другото возило, а потоа автомобилот во кој бил Милошевски се свртел и завршил покрај патот. Џипот превртен завршил на патот. Некои непотврдени информации кажуваа дека возачот на џипот бил во алкохолизирана состојба. Се очекува во следните неколку денови МВР и официјално да соопшти како се случила сообраќајната незгода во која загина една од македонските фудбалски легенди.
Инаку, само две минути подоцна на лице место пристигнал и Саша Ќириќ, кој бил позади пежото во кое биле Милошевски, Ѓорѓиоски и двајца нивни соработници. И покрај тоа што сакал да помогне, сепак, било предоцна бидејќи сударот бил силен, а Ќириќ в раце го држел Милошевски сè до доаѓањето на Брзата помош, која само констатирала смрт.
На местото на настанот излегол истражен судија и екипа на МВР која направи увид и во следните неколку денови се очекува да се знае како се случила оваа трагедија, најголема во историјата на фудбалот во Македонија во која нашата земја остана без еден од своите најдобри фудбалски работници.