Бразилскиот крилен напаѓач Антони (25) успеа да ја оживее својата кариера како позајмен фудбалер во Бетис и веројатно ќе го напушти Манчестер Јунајтед ова лето, со кого има договор до јуни 2027 година.
Под водство на тренерот Рубен Аморим, бразилскиот фудбалер имаше скромна минутажа во Јунајтед, па во јануари беше испратен на полугодишна позајмица во Бетис, каде игра одлично и постигна осум голови, додавајќи и пет асистенции.
Бетис дефинитивно би сакал да го задржи, но тоа ќе биде тежок финансиски потфат и ќе биде можно само ако шпанскиот клуб се пласира во Лигата на шампионите, за што има реални шанси, објавија денеска британските медиуми повикувајќи се на шпански извори.
Манчестер Јунајтед сигурно ќе бара висока отштета, бидејќи во август 2022 година му платија на Ајакс 95 милиони евра за бразилскиот фудбалер.
За услугите на Антони се заинтересирани и Атлетико Мадрид и Јувентус.