Фудбалерот на Манчестер Јунајтед, Џони Еванс, денеска објави крај на кариерата и најави дека ќе остане во клубот и ќе го надгледува развојот на младите играчи.
Еванс мина низ клупската академија, во два мандати настапуваше за првиот тим и одигра 241 натпревари во дресот на Јунјатед.
Со клубот од „Олд Трафорд“ освои три премиерлигашки титули, Лигата на шампиони, ФА Купот, два Лига купа и Светското клупско првенство.
„Сакам официјално да го објавам крајот на мојата фудбалска кариера, не со тага, туку со гордост, благодарност и возбуда за следното поглавје“, изјави 37-годишниот Еванс за веб-страницата на клубот.
Еванс настапуваше и за Вест Бромвич Албион и Лестер, како и Сандерленд и Антверпен.
За репрезентацијата на Северна Ирска одигра 107 натпревари и постигна шест голови, од 2006 до 2024 година.