Холандскиот стратег Луис Ван Гал оваа недела беше назначен за нов менаџер на Манчестер Јунајтед. Како асистент на Ван Гал беше назначен привремениот менаџер и легенда на клубот, Рајан Гигс (кој го водеше тимот во последните 4 натпревари од сезоната). Со „црвените ѓаволи“ Ван Гал потпиша три годишен договор, и ќе почне со работа откако ќе му заврши ангажманот со холандската репрезентација на Светското првенство во Бразил.
- Моја желба беше да работам во Премиер лигата. Горд сум што ќе го предводам Манчестер Јунајтед, еден од најголемите клубови на светот. Јас и клубот имаме големи амбиции и убеден сум дека заедно ќе создадеме историја, изјави Ван Гал. Холандскиот тренер со „црвените ѓаволи“ потпиша три годишен договор, а ќе почне со работа откако ќе му завши ангажманот со холандската репрезентација на Светското првенство во Бразил.
Во својата долгогодишна кариера 62-годишниот стручњак има освоени 19 трофеи, а со Ајакс има освоено и титула европски шампион. Шампионски титули во националните првенства има освоено со Ајакс и АЗ (Холандија), Барселона (Шпанија) и Баерн (Германија).
Но, додека го очекуваме неговото деби во фотељата на „ѓаволите“ да се потсетиме на 5-те најдобри моменти во неговата досегашна кариера како тренер.
Ајакс (1991–1997)
-три домашни титули, холандски куп, УЕФА Куп, УЕФА Супер Куп, Интерконтинентален Куп и титула во Лигата на шампионите во 1995-та година.
Барселона (1997–2000)
-две последователни Ла Лига титули со Барселона, Копа дел Реј титула, УЕФА Супер куп титула.
Аз Алкмар (2005–2009)
-Освојување на титулата во холандска лига 2008/2009
Баерн Минхен (2009–2011)
-Освојување на Бундеслигата и купот на Германија и финале во Лига на шампиони
Холандија 2012- денес
-пласман на Мундијалот во Бразил