Репрезентативецот на Гана и фудбалер на АС Милан, Сули Мунтари го искористи претстојот во Бразил за добро хуманитарно дело.
Тој со специјална дозвола од селекторот на Гана, се прошета низ Масеијо градот во кој се наоѓа базата на Гана а кој воедно е и еден од најсиромашните во оваа земја.
Тој планирал само да се поздрави со локалното население и да подели неколку автограми, но беше забележан како дели пари на минувачите.
Според Bleacher Report тој го направил одвој хуман гест бидејќи и самиот потекнува од сиромашно семејство во Гана и тој продолжил со подарувањето на пари од својот паричник се додека не бил замолен од полицијата да престане поради безбедносни ричини.
Едвалдо, жител на Масеијо изјави за BR дека до сега не видел ништо слично од било која друга личност.
-Ниту еден фудбалер никогаш не дошол тука, а политичарите само на предизборни кампањи. Јас и мојата мајка добивме 350 реали. Ќе ја поддржувам Гана до крајот на мојот живот, изјавил Едвалдо.