Селекциите на САД и Португалија вчера одиграа без победник 2-2 во второто коло од силната група Г од СП во Бразил.
Португалија успеа да дојде до бод во последнaта минута од судиското надополнување од натпреварот преку голот на Силвестре Варела, што беше второто израмнување во Манауш.
Џермејн Џонс во 64-та минута израмни на 1-1 со прекрасниот погодок за САД откако за цел 1 час игра во Манаус Португалија беше во водство по раниот погодок на Нани.
Силвестре Варела по асистенцијата од капитенот Кристијано Роналдо успеа да го искористи невниманието на одбраната на САД и во последните секунди од натпреварот со удар со глава да и донесе барем бод на Португалија за конечни 2-2.
САД и Германија имаат по 4 бода во групата Г додека пак Гана и Португалија имаат по 1. Во последното коло САД ќе игра против Германија, а Португалија против Гана.