На дванаесеттиот ден од Светското фудбалско првенство формирани се првите два осминафинални парови. Домаќинот Бразил во следната фаза ќе игра со Чиле, а Холандија за противник ќе го има Мексико.
Ова е епилогот по завршувањето на трите кола во А групата од која Мундијалот го напуштаат Хрватска и Камерун.
Резултати на синоќешните натпревари од последното коло во А групата: Хрватска - Мексико 1:3 и Бразил - Камерун 4:1.
Табела А група: Бразил 7 бодови , Мексико 7, Хрватска 3, Камерун 0.
Бразил поради подобрата гол-разлика го освои првото место и за противник ја доби второпласираната репрезентација од Б групата, а Мексиканците како втори ќе играат со холандската селекција која заврши прва во Б групата.
Дуелот Бразил - Чиле ќе се одигра на 28 јуни во Бело Хоризонте од 18 часот. Истиот ден од 22 часот во Рио де Жанеиро за четвртфинале ќе се борат Холандија и Мексико.