Напаѓачот на Уругвај, Луис Суарез на денешниот натпревар од групата Д против селекцијата на Италија беше инолвиран во нов инцидент во кој гризна противнички играч.
Овој пат тоа беше дефанзивецот на Италија, Џорџо Киелини кај кого забите од гризењето на Суарез оставија белег во рамото. Инцидентот од Суарез се случи во 80-та минута од натпреварот во кој Италија од 59-та минута го играше без исклучениот Клаудио Маркизио.
Само минута подоцна, Диего Годин го постигна единствениот натпревар на натпреварот од последното коло во групата Д и со 3-те бода од победата на Италија, Уругвај се пласира во 1/8-финалето д СП во Бразил.
Во вториот натпревар од групата Д, Коста Рика и Англија одиграа без голови 0-0 во натпревар без значење за двата тима. Коста Рика веќе се пласира во 1/8 –финалето а Англија уште во второто коло беше елиминирана од понатамошното натпреварување.
Суарез mинатата година го гризна дефанзивецот на Челзи, Бранислав Ивановиќ на натпреварот на Ливерпул против Челзи во Премиер Лигата, а во 2010-та година го гризна и фудбалерот на ПСВ Отман Бакал во холандската лига.
Кои ќе бидат противници на Коста Рика и Уругвај во осминафиналето ќе биде познато доцна вечерва откако од 22 часот ќе се одиграа средбите од последното коло во Ц групата меѓи, Јапонија – Колумбија и Грција - Брегот на Слоновата Коска.