Напаѓачот на Уругвај, Луис Суарез на вчерашниот натпревар против Италија повторно се најде во контроверзна ситуација поврзана со гризење на противнички играч.
Тој на натпреварот од последното коло во групата Д против Италија го гризна Џорџо Киелини во пределот на рамото. Се очекува дисциплинската комисија на ФИФА да започне истрага и наскоро да му изрече и казна за неспортскиот потег.
Суарез има рок до денес (9 часот) да се изјасни пред комисијата, а подоцна таа ќе одлучи за казната која ќе ја добие контроверзниот фудбалер. Уругвај благодарение на голот од Диего Годин се пласираше во осмина-финалето од Мундијалот во Бразил, но ова не е прв ваков инцидент за Суарез.
Минатата година го гризна дефанзивецот на Челзи, Бранислав Ивановиќ а во 2010-та година и фудбалерот на ПСВ, Отман Бакал.
Но што имаа корисниците на Twitter да кажат за овој нов инцидент на Суарез?