Првиот голгетер во редовите на Бразил, Нејмар ќе биде подготвен за настап на средбата против Колумбија в петок од 22 часот. Тој се чувствува подобро, но ќе мора на нови прегледи пред да добие дефинитивна дозвола за настап.
„Нема да има проблеми за да настапи на средбата против Колумбија. Двобојот е в петок, а Нејмар ќе биде подготвен. Денеска ќе има дополнителни прегледи, но вестите се добри и тој ќе биде дел од средбата против Колумбијците и ќе може да го даде максимумот“, вели портпаролот на репрезентацијата на Бразил, Родриго Паива.
Нејмар не се чувствуваше најдобро по средбата против Чиле, но со новите вести станува јасно дека ќе успее да ги надмине проблемите.