Дејли Блинд од оваа недела е најновото засилување за тимот на Манчестер Јунајтед. Холанѓанецот пристигна во Јунајтед од Ајакс,а потпиша 4-годишен договор со „ѓаволите“ вреден 14 милиони фунти.
Блинд е производ на младинската академија на Ајакс и пред да пристигне во Манчестер беше дел од речиси сите етапи на клубот од 7-годишна возраст, па се до сениорскиот состав.
Но, како што изјави за медиумите, покрај можноста да го облече црвениот дрес, тој прифатил да дојде во Јунајтед и поради фактот што менаџер на Манчестер е екс селекторот на холандија, Луис ван Гал, кој ја доведе Холандија до третото место на Мундијалот во Бразил.
Како што изјави стилот на тренирање на Ван Гал му е доволно познат и со нетрпение го очекува првиот нстап. Но, што треба да се знае за Дејли Блинд?
1. Дејли е син на легендарниот дефанзивец на Ајакс, Дени Блинд.
2. Татко му беше асистент на Луис ван Гал (а од заминувањето на Ван Гал, на Гус Хидинг) на селекторската позиција во репрезентацијата на Холандија, и имаше можност од клупата да ги следи настапите на синот на СП во Бразил.
3. Беше асистент на можеби најубавиот гол на Мундијалот во Бразил. Тој на Робин ван Перси против Шпанија.
4. Својот деби гол за Холандија го имаше на Мундијалот во Бразил токму на натпреварот против Бразил, по кој Холандија го освои 3-то место.
5. Своето деби за Ајакс го имаше на возраст од 18 години