Фудбалерот на Манчестер Сити, Френк Лампард успеа да му донесе бод на својот тим откако со израмнувачкиот гол во 85-та минута, со кој ги постави и конечните 1-1 против својот екс тим Челзи.
Лампард постигна гол за израмнување на Етихад стадионот во Манчестер против тимот во кој помина 13 сезони, но како што изјави и самиот Лампард не очекувал да постигне гол, а од почит кон „сините“ тој не го ни прослави.
-Ќе беше непрофесионално од моја страна да одбиев да влезам во игра, бидејќи тоа е мојата работа, но сега немам зборови да ги искажам емоциите, изјави Лампард по натпреварот.
Претходно во 71-та минута Андре Шурле погоди за тимот предводен од Жозе Мурињо.
И по нерешениот резултат во Манчестер, Челзи остана на врвот на табелата во Премиер лигата со 13 бода, 3 повеќе од Саутхемптон и Астон Вила.