Ѕвездата на Реал Мадрид, Кристијано Роналдо синоќа на Сантијаго Бернабе стадионот во Мадрид дури 4 пати ја затресе противничката мрежа, а го постигна 25-от хет трик за „кралевите“, во победата од 5-1 над Елче во Ла Лига.
Гостите дојдоа во водство преку пеналот кој го изведе Еду Албакар во 15-та минута за по само 5 минути Гарет Бејл да израмни на 1-1 со одличен удар со глава. По израмнувањето настапи гол шоуто од Кристијано Роналдо кој пак дури 4 пати до крајот на натпреварот (од кои два пати од белата точка) ја затресе мрежата на противничкиот голман за конечни 5-1 .
Играчите предводени од Карло Анчелоти постигнаа 13 гола на последните два натпревари од Ла Лига, од кои дури 7 беа дело на Роналдо.
По победата над Елче, Реал го зазеде 4-то место на табелата со 9 освоени бода.