Менаџерот на Арсенал, Арсен Венгер имаше мал инцидент со менаџерот на Челзи, Жозе Мурињо на вчерашниот дерби натпревар во Лондон од 7-то коло во Премиер Лигата.
Французинот револтиран од стартот на Гери Кејхил врз фудбалерот на Арсенал, Алексис Санчез во првото полувреме, отиде до половината на Челзи и се обиде вербално да се пресмета со Португалецот.
Инцидентот за неколку секунди можеше да премине во акт на физичко насилство, да не се вмешаше помошникот судија, а подоцна и главниот судија, кој дојде од теренот и со зборови успеа да ги смири двајцата тренери.
Ривалството помеѓу Венгер и Мурињо датира уште од 2004-та година која и самиот Португалец за прв пат пристигна на Стемфорд Бриџ, а вчера попладне „сините“ предводени од Мурињо беа поуспешни од „топџиите“.
Челзи ја продолжи низата на натпревари без пораз во тековната сезона, откако с о 2-0 беше поуспешен од Арсенал во 7-то коло.
Еден Азард од пенал во 27-та минута погоди за 1-0, а Диего Кошта погоди за конечните 2-0 во 78-та минута.
Погледнете.