На крајот од оваа сезона (мај 2015) истекува договорот на капитенот на Ливерпул, Стивен Џерард. Желбата кај капитенот на „црвените“ е да продолжи да игра, а дали ќе ја продолжи кариерата во свој матичен клуб или ќе си замине ќе решава управата на Ливерпул.
- Се грижам само за оваа сезона бидејќи имам договор до мај. Како што се во моментов работите тука (во Ливерпул) сум до крајот на сезоната. Сигурно нема да се повлечам следново лето и ќе играм и следната сезона. Но, ќе мораме да почекаме и да видиме дали ќе биде Ливерпул или некое друго место, а одлуката е на Ливерпул. Ако нема понуда, ќе видам што се нуди, изјави Џерард.
Во својата кариера Џерард има настапувано само за Ливерпул и е блиску до бројката од 700 настапи. Капитенот застана и во одбрана на Марио Балотели, кој има постигнато само два гола, а ниту еден во Премиер лигата со образложение дека е донесен во паника по заминувањето на Луис Суарез.