Раководството на „милионерите“ прави план за смена на голманската позиција каде што на местото на Роман Вајденфелер би требало да се најде Рон-Роберт Цилер од Хановер.
Се работи за план според кој актуелниот чувар на мрежата ќе добие можност да си побара нов клуб, а во Борусија сакаат да донесат помлад голман на кој ќе може да сметаат неколку години.
Планот е за Цилер да бидат платени од 7 до 9 милиони евра бидејќи договорот му истекува во летото во 2017 година. Од Хановер велат дека нема да прават проблеми доколку дојде до понуда од Борусија, па сега останува да се почека следното лето.
Вајденфелер има 34 години, а сигурно нема да има проблеми да си најде нов клуб бидејќи во последните години брани одлично.