Дидие Дрогба и Франческо Тоти и покрај тоа што се во зенитот на играчката кариера и полна играчка зрелост, синоќа успеаа да потсетат на нивните таленти и да ги затресат противничките мрежи за своите клубови.
Дрогба кој има 36 години, со гол во 76-та минута успеа да го зголеми резултатот на Челзи против Шалке 04 во Гелзенкирхен на 4-0. Конечниот резултат на натпреварот на „сините“ на гостинскиот терен против Шалке гласеше 5-0, и останаа на врвот на табелата во групата Г со 11 освоени бода.
Легендата на Рома, Франческо Тоти пак со своите 38 години исто така со прекрасен гол но, од слободен удар погоди за „римската волчица“ на натпреварот во студената Москва против ЦСКА Москва. Конечниот резултат во Русија гласеше ЦСКА Москва- Рома 1-1, откако Василиј Березутски израмни во самиот финиш на натпреварот, т.е во судиското надополнување.
Рома, Манчестер Сити и ЦСКА Москва по одиграното 5-то коло во ЛШ, имаат по 5 освоени бода, далеку зад лидерот на табелата во групата Е, Баерн Минхен, па вториот патник во нокаут фазата ќе се реши во последното коло.