Бразилски адвокат и навивач на Сантос поднесе тужба против Нејмар поради неговиот трансфер во фудбалскиот клуб Барселона, инаку договорен уште во 2011 година. Преоѓањето на Нејмар во каталонскиот клуб е договорен непосредно пред натпреварот меѓу Сантос и Барса во финалето на Светското првенство за клубови во Јапонија, а Лусијано Переира Капарош, кој е долгогодишен жесток навивач на бразилскиот тим, тврди дека Нејмар на тој меч не се трудел доволно.
Барса го доби мечот со 4:0, а Капарош отпатувал во Јапонија да го гледа натпреварот во живо и останал разочаран од тоа што го видел и што подоцна дознал за договорениот трансфер на Нејмар на Камп Ноу. Па затоа одлучил на суд да побара надомест за претрпена душевна болка. Тој бара отштета од 3,200 евра колку што потрошил за пат до Јапонија плус отштета за „морална штета“ во износ од 5,200 евра.
„Се чувстувам измамен со сознанието дека неговиот трансфер во Барселона бил однапред договорен. Навивам за Сантос цел живот, одам на секој нивни меч, вложив многу пари за патот до Јапонија. Разочарам сум“, изјави Капарош.