Италијанскиот стратег на чело на Реал Мадрид, Карло Анчелоти вели дека е задовоен што играч од неговиот состав е освојувач на наградата. Според Анчелоти, Роналдо заслужено е избран за најдобар.
„Кристијано имаше фантастична година. Многупати зборував и потенцирав за тоа што се тој направи во 2014 година. Имаше неверојатни мечеви за нас и тој има голема заслуга за тоа што го направивме во минатата година“, рече Анчелоти.
По стапките на Стоичков и Меси
Роналдо е само третиот фудбалер во историјата на „Златната топка“ што оваа награда ја добива во година во која имало Светско првенство, а одволјувачот на ова признание да не стигне ниту до финалето на Мундијалот.
Статистиката вели дека 80 отсто од играчите кои биле на првите две места на оваа листа биле дел од финалето на планетарниот собир. Низ историјата досега постоеја само два исклучоци кога освојувачот на „Златната топка“ не бил дел од финалето на СП. Прв пат тоа му успеа на Христо Стоичков кој во 1994 година со Бугарија стигна до полуфиналето на Мундијалот во САД. Тоа што го направи Стоичков, пред четири години го повтори Меси. Аргентинецот немаше успех на Мундијалот во Јужна Африка, но благодарение на неговите игри ја освои наградата.