Најдобриот светски фудбалер Кристијано Роналдо по обраќањето на присутни на церемонијата на доделување на „Златната топка“ во Цирих испушти крик предизвикувајќи реакција кај повеќето од присутните во салата.
- Мојот врисок? Играчите знаат дека секогаш кога ќе постигнам гол или ќе победиме, така реагирам. Тоа е наш победнички крик, објасни Роналдо.
Португалецот до третата „Златна топка“ и втора по ред стигна убедливо со 20% повеќе гласови во однос на конкурентите Лионел Меси и Мануел Ноер.
Ѕвездата на Реал Мадрид додаде дека ја очекувал наградата со оглед на одличната сезона и постигнувањата во 2014 година.